दरवाजे

वास्तूचा मुख्य दरवाजा ( घर असो किंवा ऑफिस – कारखाना – फॅक्टरी असो) हा त्या वास्तुत राहणाऱ्या – काम करणाऱ्या व्यक्तीच्या विकासातील एक महत्त्वाचा धागा आहे.

परंतु आज आपण सहज कोणाला विचारले की तुमच्या घराचा दरवाजा कोणत्या दिशेला आहे तर ९०% लोकं फक्त चारच दिशांची नावे घेताना तुम्हाला ऐकायला मिळतील त्या दिशा म्हणजे पूर्वेचा दरवाजा, पश्चिमेचा दरवाजा, उत्तरेचा दरवाजा आणि दक्षिणेचा दरवाजा. यात लाजिरवाणी गोष्ट अशी की बाकीच्या चार दिशा कोणत्या हे माहित नाही ते तर सोडाच पण दरवाजाची दिशा कशी बघायची किंवा घरात दिशा कशा बघतात याबाबतही भल्या-भल्यांमध्ये संभ्रम आहे.

आज आपण २१ व्या शतकात ज्या गतीने प्रगती करत आहोत त्याच गतीने आपण आपल्या संस्कृतीच्या अगदी मुलभूत संकल्पनाही विसरत चाललो आहोत हेच नाही तर आपण त्या जाणून घेण्याचाही कधी प्रयत्न करताना दिसत नाही आहोत. पाश्चिमात्य संस्कृतीला जे साध्य करायचे आहे ते साध्य होताना दिसत आहे ते म्हणजे हिंदू संकृतीचे समूळ उच्चाटन.

मित्रांनो आज – आत्ता आपणच आपल्या संकृतीला जपले-जोपासले पाहिजे तेही अंधश्रद्धेने नाही तर पूर्ण विचाराने, डोळस वृत्ती व श्रद्धेने. ऋषी मुनींनी जे काही शास्त्र-सिद्धांत लिहून ठेवली आहेत ते निदान खरे आहेत की नाही, त्याला काही विज्ञानाचा आधार आहे की नाही हे तरी जाणून घेण्याचा आपण प्रयत्न करूया, तेव्हाच आपण श्रद्धा कशाला म्हणतात व अंधश्रधा कशाला म्हणतात या बद्दल ताट मानेने भाष्य करू शकू.

चला तर आपण दिशा व त्यांचा वास्तूवर होणारा परिणाम जाणून घेवूया…

एकूण ४ मुख्य दिशा पूर्व, पश्चिम, उत्तर, दक्षिण व त्यांच्या ४ उपदिशा आग्नेय, नैऋत्य, वायव्य, ईशान्य अशा ८ दिशांमध्ये वास्तूवरील परिणामांचा विचार केला जातो.

वास्तूला जर सरळ समांतर दिशा मिळाली असेल तर प्रत्येक दिशा पुन्हा समांतर ९ भागांमध्ये विभागली जाते. खालील आकृतीमध्ये प्रत्येक दिशेच्या प्रत्येक भागाची माहिती त्याच्या परिणामासहित दिलेली आहे. शुभ दरवाजाची जागा हि पिवळ्या रंगाने दर्शविलेली आहे.

 

दरवाजा कोणत्या दिशेला आहे हे कसे ओळखायचे?

सर्वांनाच सूर्य कोणत्या दिशेने उगवतो आणि मावळतो हे माहित असतचं, आपण सूर्य उगवणाऱ्या दिशेकडे तोंडकरून उभा राहिल्यास साहजिकच आपल्या मागची दिशा हि पश्चिम असते, आपल्या डाव्या हाताकडची दिशा हि उत्तर व उजव्या हाताकडची दिशा हि दक्षिण असते. प्रत्येक दिशेचा ४५ – ४५ असा ९० अंशाचा कोन असतो, तिथून त्यांच्या उपदिशा सुरु होतात. अचूक दिशा जाणून घ्यायच्या असतील तर दिशादर्शकाचाच वापर करावा लागेल कारण उत्तरायण व दक्षिणायन चालू असताना सूर्याच्या उगवण्याच्या व मावळण्याच्या बदलामुळे अचूक दिशा मिळणार नाही.

   

दिशादर्शक यंत्र कसे वापरायचे?

दिशादर्शक यंत्रात एक चुंबकीय सुई असते तिच्या एका टोकाला लाल व दुसऱ्या टोकाला काळा रंग असतो. लाल रंगाचे टोक दिशादर्शक यंत्रातील N म्हणजेच उत्तर दिशेकडे केल्यास तुम्हाला सर्व दिशा आपोआपच दिशादर्शक दाखवेल.

एका घरात किती दरवाजे असावेत?

एका घरातील दरवाजे हे सम संख्येत (२, ४, ६ इ.) असावेत. मुख्य दरवाजा हा इतर दरवाजांपेक्षा लांबी – रुंदीला थोडा मोठा असावा तसेच इतर दरवाजांपेक्षा जास्त सुशोभित असावा. दरवाजाची रुंदी ३ फुट असेल तर उंची ६ १/२ फुट असावी. सर्व दरवाजे आतमध्ये उघडणारे असावेत. दरवाजाला लाकडीच उंबरठा असावा.

दरवाजाच्या दिशा व त्यांचे परिणाम ……. 

अनु. क्र.	दिशा	श्रेणी	परिणाम
१)	पूर्व	उच्च	शुभ, उच्च विचार
२)	पूर्व-ईशान्य	उच्च	सर्वश्रेष्ठ, शुभ व सौभाग्यदायक
३)	पूर्व-आग्नेय	नीच	वैचारिक मतभेद, चोरी, पुत्रांसाठी कष्टदायक
४)	पश्चिम-वायव्य	उच्च	शुभदायक
५)	पश्चिम-नैऋत्य	नीच	आर्थिक स्थिति तसेच घरातील कर्त्यापुरुषासाठी अशुभ
६)	उत्तर-ईशान्य	उच्च	आर्थिक फलदायक, श्रेष्ठ
७)	उत्तर-वायव्य	नीच	वित्तहानी, चंचल स्वभाव, तणावात वाढ
८)	दक्षिण-आग्नेय	उच्च	अर्थलाभ, स्वास्थदायक
९)	दक्षिण-नैऋत्य	नीच	आर्थिक विनाशदायी, गृहिणींची स्थिति  कष्टदायक
१०)	दक्षिण	उच्च	शुभफलदायक
११)	पश्चिम	उच्च	शुभफलदायक
१२)	उत्तर	उच्च	सुखदायक

आता या प्रत्येक दिशांच्या दरवाजाचा मानवी जीवनावर कसा प्रभाव पडतो ते सविस्तर जाणून घेवूया.

वास्तूतज्ञांचा सल्ला घेतल्याशिवाय वास्तूसंदर्भात व वरील उपायांसंदर्भात कोणताही निर्णय घेवू नये. 

अधिक माहिती साठी संपर्क :-
वास्तुशास्त्र / ज्योतिष / रेकी तज्ञ श्री. मनोजकुमार आप्पा मोहिते
इमेल :- vastusiddhii@gmail.com
फेसबुक पेज :- https://www.facebook.com/vastusiddhii/
फेसबुक पेज :- https://www.facebook.com/vastusiddhi
Calling No. 83698 84338
Whatsapp no. 88280 53505